კონფიდენციალურობის პოლიტიკა

ბოლო განახლება: May 2026

ეს პოლიტიკა აღწერს, თუ რა პერსონალურ ინფორმაციას აგროვებს 'ლისის ჩოგბურთის კლუბი' (ს/ნ 405831391) ჩვენი ვებსაიტისა და მობილური აპლიკაციის მეშვეობით კორტის დაჯავშნისას ან ანგარიშის შექმნისას, როგორ ვიყენებთ მას, ვის ვუზიარებთ და რა უფლებები გაქვთ.

1. რას ვაგროვებთ

კორტის დაჯავშნისას ჩვენ ვაგროვებთ:

• სრული სახელი
• ელ-ფოსტა და ტელეფონის ნომერი
• ანგარიშში შესვლის მონაცემები — თუ შედიხართ Google-ით, Facebook-ით ან Apple-ით, ამ პროვაიდერისგან ვიღებთ თქვენს სახელსა და ელ-ფოსტას ანგარიშის შესაქმნელად
• ჯავშნის დეტალები (კორტი, თარიღი, დრო, თანხა)
• გადახდის დადასტურების ნომერი (ბარათის სრული ნომერი ჩვენს სერვერებამდე არ აღწევს — მას ამუშავებს Flitt(TBC Bank))
• მოწყობილობის შეტყობინების ტოკენი, მხოლოდ თუ ჩართავთ push-შეტყობინებებს აპლიკაციაში — გამოიყენება ჯავშნის შეხსენებებისა და კარის კოდების გასაგზავნად
• ენის არჩევანი (ქართული ან ინგლისური)
• IP მისამართი დაჯავშნის დროს (თაღლითობის თავიდან ასაცილებლად)

2. როგორ ვიყენებთ თქვენს მონაცემებს

მხოლოდ თქვენი ჯავშნის მართვისთვის, დასტურის ელ-ფოსტისა და კარის კოდის გასაგზავნად. ასევე თქვენთან დასაკავშირებლად ჯავშანთან დაკავშირებული პრობლემის შემთხვევაში. ჩვენ არ ვიყენებთ თქვენს მონაცემებს მარკეტინგისთვის, რეკლამისთვის და არ ვყიდით მათ.

3. მესამე მხარის სერვისები, რომლებსაც ვიყენებთ

თქვენი მონაცემების ნაწილს ამუშავებენ სანდო სერვისები, რომლებსაც ვიყენებთ ჯავშნის უზრუნველსაყოფად:

• Flitt — ამუშავებს თქვენი ბარათით გადახდას. ბარათის დეტალები პირდაპირ Flitt-ში მიდის და არასოდეს ინახება ჩვენს სერვერებზე. იხილეთ flitt.com მათი კონფიდენციალურობის პრაქტიკისთვის.
• igloohome — აგენერირებს კარის კოდს თქვენი ჯავშნის პერიოდისთვის. მათ გადავცემთ მხოლოდ თქვენი ჯავშნის დროს; პერსონალურ ინფორმაციას მათ არ ვუზიარებთ.
• ელ-ფოსტის პროვაიდერი — აგზავნის დასტურის წერლის თქვენ ელ-ფოსტაზე. ამ მიზნით თქვენი ელ-ფოსტის მისამართს ვუზიარებთ ჩვენს ჰოსტინგ პროვაიდერს.
• Google, Apple, Facebook — ადასტურებენ თქვენს ვინაობას სოციალური ქსელით შესვლისას; ვიღებთ მხოლოდ თქვენს სახელსა და ელ-ფოსტას, არცერთ შემთხვევაში პაროლს
• Expo — აგზავნის push-შეტყობინებებს (შეხსენებები და კარის კოდები) თქვენ მოწყობილობასთან

4. რამდენ ხანს ვინახავთ თქვენს მონაცემებს

ჯავშნის შესახებ ინფორმაციას (სახელი, ელ-ფოსტა, გადახდის ნომერი) ვინახავთ იმდენ ხანს, რამდენიც მოითხოვება ქართული ბუღალტრული და საგადასახადო კანონმდებლობით (ჩვეულებრივ 6 წელი). ამის შემდეგ თქვენი მონაცემები წაიშლება ან მოხდება მათი დეიდენტიფიცირება.

5. თქვენი უფლებები

თქვენ გაქვთ უფლება იკითხოთ, რა მონაცემები გვაქვს თქვენზე, გაასწოროთ შეცდომები და მოითხოვოთ მათი წაშლა (ზემოაღნიშნული შენახვის ვადის გათვალისწინებით). ამ უფლებების გამოსაყენებლად მოგვწერეთ info@lisitennisclub.ge — ვუპასუხებთ 30 დღის განმავლობაში.

როგორ წაშალოთ თქვენი ანგარიში და მონაცემები →

6. ქუქი ფაილები

ჩვენ ვიყენებთ მცირე რაოდენობით აუცილებელ ქუქი ფაილებს თქვენი სესიის შესანარჩუნებლად დაჯავშნის დროს და ენის არჩევანის დასამახსოვრებლად. ჩვენ არ ვიყენებთ ანალიტიკურ, სარეკლამო ან თვალთვალის ქუქი ფაილებს.

7. კონტაქტი

კონფიდენციალურობასთან დაკავშირებული ნებისმიერი კითხვისთვის მოგვწერეთ: info@lisitennisclub.ge.

← მთავარზე დაბრუნება