დაჯავშნე კორტი

კეთილი იყოს თქვენი მობრძანება 'ლისის ჩოგბურთის კლუბში'. კორტის დაჯავშნით და გადახდით თქვენ ეთანხმებით შემდეგ პირობებს. გთხოვთ, ყურადღებით წაიკითხოთ.

მომსახურება: თქვენ ჯავშნით ჩოგბურთის კორტს ექსკლუზიური სარგებლობისთვის, თქვენ მიერ არჩეულ თარიღსა და დროს. თითოეული ჯავშანი არის ერთი საათიანი, მაქსიმუმ ოთხი მოთამაშისთვის. ფასი მითითებულია ლარში (₾) და მოიცავს მხოლოდ კორტისა და დამხმარე ინფრასტრუქტურის დანიშნულებისამებრ გამოყენებას. კორტის დაჯავშნა გარე მწვრთნელთან ფასიანი ვარჯიშისთვის არ არის დაშვებული. მწვრთნელთან ვარჯიშისთვის გთხოვთ ისარგებლოთ ჩვენი მწვრთნელების მომსახურებით.

გაუქმების წესები: ყველა ჯავშანი საბოლოოა. ჩვენ არ ვაბრუნებთ თანხას გაუქმების ან არმოსვლის შემთხვევაში. თუ ვერ მოხვალთ, შეგიძლიათ თქვენი ჯავშნის ნომერი გადასცეთ სხვა მოთამაშეს. ერთადერთი გამონაკლისია, თუ კლუბი დაადგენს, რომ ამინდის გამო კორტზე თამაში შეუძლებელია (მაგალითად, ძლიერი წვიმა, გუბეები/დაგროვილი წყალი ან ძლიერი ქარი). ამ შემთხვევაში თანხა სრულად დაგიბრუნდებათ. ეს გადაწყვეტილება მიიღება მხოლოდ კლუბის მიერ.

შესვლა და დაშვება: დაჯავშნისას ჯავშნის ნომერი ელ-ფოსტით მოგივათ. კარის კოდი ცალკე იგზავნება — ელ. ფოსტით და აპლიკაციაში — სესიის დაწყებამდე დაახლოებით 1 საათით ადრე და აქტიურდება ჯავშნის დაწყებამდე 15 წუთით ადრე, რომ სურვილის შემთხვევაში გასახდელებში შესვლა და მომზადება შეძლოთ. გამოიყენეთ კოდი შესვლისთვის, ან წარუდგინეთ ჯავშნის ნომერი თანამშრომელს. გთხოვთ, არ მოხვიდეთ ჯავშნის დროზე 15 წუთზე მეტით ადრე.

ინფრასტრუქტურა და აღჭურვილობა: ადგილზე ხელმისაწვდომია შხაპები, ტუალეტი და გასახდელები. იმ შემთხვევაში თუ თქვენი არ გაქვთ, კლუბში ხელმისაწვდომია ჩოგნები და ბურთები. კორტზე აუცილებელია გეცვათ შესაბამისი ჩოგბურთის/სპორტული ფეხსაცმელი.

უსაფრთხოება და პასუხისმგებლობა: ჩოგბურთი მოიცავს ფიზიკურ აქტივობას და ტრავმის გარკვეულ რისკს. თქვენ თამაშობთ საკუთარი რისკის ფასად. 'ლისის ჩოგბურთის კლუბი' არ აგებს პასუხს ტრავმებზე, დაკარგულ, დაზიანებულ ან ტერიტორიაზე დატოვებულ ნივთებზე. ბავშვები უნდა იყვნენ ზრდასრულის თანხლებით.

ქცევის წესები: გთხოვთ, პატივი სცეთ კორტს, სხვა მოთამაშეებსა და ჩვენს მეზობლებს. სესიის ბოლოს დატოვეთ კორტი მოწესრიგებული და გამოყენების შემთხვევაში გთხოვთ ადგილზე დააბრუნოთ ბურთები და ჩოგნები. გთხოვთ, გასვლისას კარი ისევ ისე დაკეტოთ, როგორც დაგხვდათ. კლუბი იტოვებს უფლებას უარი გითხრათ მომსახურებაზე ან გააუქმოს ჯავშანი თანხის დაბრუნების გარეშე ქონების დაზიანების, აგრესიული ქცევის ან ამ პირობების დარღვევის შემთხვევაში.

თქვენი მონაცემები: ჩვენ ვაგროვებთ თქვენს სახელს, ელ-ფოსტას, ტელეფონის ნომერსა და გადახდის დეტალებს (მუშავდება Flitt-ის მიერ) მხოლოდ თქვენი ჯავშნის მართვისა და თქვენთან კომუნიკაციისთვის. ჩვენ არ ვუზიარებთ თქვენს მონაცემებს მესამე მხარეებს მარკეტინგისთვის.